ចាប់ខ្លួនបុគ្គលិក ភោជនីយដ្ឋានមេបុណ្យ ម្នាក់ភ្លាមៗ ករណីឆក់ទូរស័ព្ទ ពីជនភ្ញៀវជនជាតិអង់គ្លេស
18-February-2020 | ដោយ ពលមនសិការ
សៀមរាប៖ សមត្ថកិច្ចបានឲ្យដឹងថាជនសង្ស័យម្នាក់ ជាបុគ្គលិកភោជនីយដ្ឋាន មេបុណ្យ ត្រូវបានចាប់ខ្លួនភ្លាមៗ ក្រោយធ្វើសកម្មភាព ឆក់ទូរសព្ទដៃពីជនបរទេស។ ហេតុការណ៍បានកើតឡើងនៅវេលាម៉ោង០៨និង៤០នាទី ថ្ងៃទី១៧ ខែកុម្ភៈ ឆ្នាំ២០២០ នៅចំណុចមុខប្រាសាទក្រវ៉ាន់ ស្ថិតក្នុងភូមិក្រវ៉ាន់ សង្កាត់នគរធំ ក្រុងសៀមរាប ខេត្តសៀមរាប។
សមត្ថកិច្ចមូលដ្ឋានបានឲ្យដឹងថាជនសង្ស័យ ចាប់ខ្លួនដោយកម្លាំងប៉ុស្ដិ៍នគរបាលនគរធំ សហការជាកម្លាំងគោលដៅរបស់អង្គភាពបេតិកភ័ណ្ឌ ក្រោយធ្វើសកម្មភាពឆក់ទូរស័ព្ទពីភ្ញៀវទេសចរណ៍ជនជាតិអង់គ្លេស ភេទប្រុស។
ប្រភពដដែលបន្តឲ្យដឹងទៀតថាជនសង្ស័យឈ្មោះ ទុន ទុយ ភេទប្រុស អាយុ២៨ឆ្នាំ មុខរបរចុងភៅ(កូនកាំបិត) នៅភោជនីយដ្ឋាន មេបុណ្យ ស្រុកកំណើត នៅភូមិស្គារស្រុក ឃុំព្រៃឈរ ស្រុកស៊ីធរកណ្ដាល ខេត្តព្រៃវែង។ បច្ចុប្បន្នស្នាក់នៅបន្ទប់ជួលក្នុងភូមិសាលាកន្សែង សង្កាត់ស្វាយដង្គំ ក្រុងសៀមរាប ខេត្តសៀមរាប។ ជនសង្ស័យ ពេលមកដល់ប៉ុស្ដិ៍នគរបាលរដ្ឋបាលកម្លាំងផ្នែកជំនាញ នគរបាលក្រុងសៀមរាបបានពិនិត្យឃើញថាជនសង្ស័យបានប្រើប្រាស់ដោយខុសច្បាប់នូវសារធាតុញៀន និងសារភាពថាខ្លួនពិតជាបានធ្វើសកម្មភាពឆក់ទូរសព្ទដៃពីភ្ងៀវទេសចរណ៍ពិតប្រាកដមែនម៉ាកIPhone10XR ពណ៌ខ្មៅ។
ក្រោយសាកសួររបស់កម្លាំងប៉ុស្ដិ៍ មន្ត្រីនគរបាលផ្នែកព្រហ្មទណ្ឌក្រុង និងនគរបាលអង្គភាពទេសចរណ៍ បានដកហូតវត្ថុតាង(ទូរសព្ទដៃ) និងប្រគល់យកទៅឲ្យជនរងគ្រោះទៅថែរក្សា ប្រើប្រាស់វិញ។ ពាក់ព័ន្ធករណីនេះសមត្ថកិច្ចកសាងសំណុំរឿងបញ្ជូនទៅសាលាដំបូងខេត្តសៀមរាបអនុវត្តទៅតាមផ្លូវច្បាប់ ៕
ចំនួនអ្នកទស្សនា
- ថ្ងៃនេះ15341
- ម្សិលមិញ15191
- សប្តាហ៍នេះ58491
- ខែនេះ80371
- ឆ្នាំនេះ80371
- សរុប20522827